BUNNY22香港擬增香煙「統一包裝」規管 近九成報販憂難保飯碗
香港政府今年4月公布香煙「統一包裝設計」規管細節，除咗規管煙包警示字樣大小等表面印刷內容之外，連煙盒嘅尺寸、形狀，甚至包裝內部嘅煙紙物料都一併受到管制。香港報販協會及全港報販大聯盟表示，當局喺未有公眾諮詢嘅情況下突然加入「物理特徵」限制，估計會令市面約四成大盒裝粗煙、幼煙同軟包煙產品無法喺合法市場出售；近九成報販認為煙盒尺寸限制對生意嘅打擊最為致命，憂慮難以維持生計。業界建議政府分拆處理，先推行爭議較細嘅煙盒「印刷要求」，再經廣泛諮詢同觀察成效之後，先至考慮是否就煙盒「物理特徵」設限。
來源：東方日報 2026年7月24日
https://orientaldaily.on.cc/content/要聞港聞/odn-20260724-0724_00174_001/香煙包裝擬增規管--90-報販：難保飯碗
